alonso

O Proxecto de Xeoparque do Cabo Ortegal participa en Teruel nas VI Xornadas abertas do Foro Español de Xeoparques

Share on facebook
Facebook
Share on twitter
Twitter
Share on email
Email

As localidades de Alcorisa, Gargallo e Molinos, en Teruel, acollen ata mañá as VI Xornadas abertas do Foro Español de Xeoparques. Trátase dun encontro para dar a coñecer esta figura da UNESCO, pero tamén para intercambiar boas prácticas e coñecemento sobre estratexias de difusión do patrimonio xeolóxico e de desenvolvemento local. O proxecto do Cabo Ortegal participa nas distintas ponencias e, ademais, este mediodía volveu presentar os seus valores nunha mesa compartida con dous dos aspirantes a converterse en candidatos oficiais este ano: Costa Quebrada e Huellas de La Rioja. En representación da Asociación para a xestión do Xeoparque do Cabo Ortegal asisten ás xornadas do Foro estatal a experta en turismo María Mesías e o próximo presidente de quenda da asociación e alcalde de Cariño, José Miguel Alonso Pumar, quen expuxo as liñas mestras do proxecto.

As VI Xornadas abertas do Foro Español de Xeoparques están organizadas nesta edición -a primeira presencial desde 2019- polo xeoparque aragonés do Maestrazgo. O contido deste martes estivo centrado na conservación do patrimonio, a sostenibilidade -desde o punto de vista do turismo, as infraestruturas, a educación e a paisaxe-, a participación pública e social nos xeoparques, a posta en valor de produtos da terra e, por último, a presentación de tres dos catro proxectos que aspiran neste 2021 a ser unha das dúas posibles candidaturas que proporá España para a avaliación da UNESCO.

O proxecto do Cabo Ortegal acode á cita co obxectivo de continuar coñecendo experiencias e casos de éxito trasladables á nosa zona, pero tamén coa finalidade de seguir reforzando o traballo en rede cos territorios que xa posúen o selo internacional.

Neste sentido, o rexedor de Cariño, Miguel Alonso Pumar, recordou o valor científico do complexo do Cabo Ortegal e repasou as liñas estratéxicas que xa están aplicando os sete municipios implicados no proxecto para promover tanto o seu coñecemento como un desenvolvemento sostible vinculado co patrimonio xeolóxico, paisaxístico e cultural.

Share on facebook
Facebook
Share on twitter
Twitter
Share on email
Email

Deixa un comentario