FRAGA-DOS-CASAS-CABECEIRA

Río Mera-Fraga dos Casás

Na contorna da coñecida Fraga dos Casás se atopan varios afloramentos de rochas negras e verdosas, especialmente nos Cotos da Pena, O Covelo, Casanova e Ermo. Todos eles interprétanse como os restos dun antigo océano -o océano Rheico– que existiu hai máis de 400 millóns de anos e que posteriormente, hai arredor de 350 m.a., desaparecería como consecuencia do grande choque entre Laurussia e Gondwana, os dous continentes primitivos que acabarían integrándose no supercontinente Panxea. 

O val do río Mera é sen dúbida o elemento morfolóxico máis visible na paisaxe, orixinado no último millón de anos da historia do noso planeta. O seu forte encaixonamento débese a que o seu nacemento está moi próximo a súa desembocadura e, en consecuencia, ten que salvar case 700 metros de desnivel en pouco máis de 20 quilómetros.

Concellos: Cerdido e Ortigueira
Visitable: Si, en coche ou a pé como ruta de sendeirismo
Outros datos: Para identificar os recursos xeolóxicos -agás o propio val do río, que desemboca en Ponte Mera- recoméndase guía especialista

Comparte este contido

Share on facebook
Facebook
Share on twitter
Twitter
Share on email
Email

Máis que ver

.

Unha viaxe a o interior da Terra

© Mancomunidade de Concellos da Comarca de Ferrol